საქართველოსა და ესპანეთის სამართალდამცველებმა ერთობლივი სპეცოპერაცია „CACHABA”-ს ფარგლებში ესპანეთში 13 პირი დააკავეს. ოპერაცია ერთდროულად ცხრა ლოკაციაზე — მადრიდში, ვალენსიაში, გვადალახარასა და ალიკანტეში — ჩატარდა.

კრიმინალური დაჯგუფება ორი შტოსგან შედგებოდა: ქართული ფრთა ესპანეთის სხვადასხვა ქალაქში — მადრიდში, გვადალახარაში, ვალენსიაში, ვალიადოლიდსა და სიუდად-რეალში — ბინებს ძარცვავდა; ესპანური ფრთა კი მოპარულ ნივთებს ვალენსიასა და მადრიდში „ლეგალური ბიზნესით” — ორ საიუველირო მაღაზიაში — ყიდდა. სულ 27 ბინის ძარცვა გამოვლინდა.

ქурდობის მეთოდი

ჯგუფი წინასწარ აკვირდებოდა სახლებს. შიგნით ვინმე ხომ არ იმყოფებოდა — ამის გასარკვევად ზარს რეკავდნენ ან კარზე ნიშანს ტოვებდნენ. დარწმუნდებოდნენ რა, ბინაში შედიოდნენ და ძირითადად სამკაულებს, საათებსა და ნაღდ ფულს იპარავდნენ.

დამალვისთვის ჯგუფი ქირაობდა ავტომობილებს და ცხოვრობდა გვადალახარის პროვინციის მიუდგომელ პატარა სასტუმროებსა და სოფლის სახლებში — ასე ნაკლებად ჩანდნენ.

გამოძიება ერთ წელს გაგრძელდა. სისხლის სამართლის კოდექსის 510-ე, 301-ე და 570-ე მუხლებით წარდგენილი ბრალდება 8 წლამდე თავისუფლების აღკვეთას ითვალისწინებს.