უკრაინის პრეზიდენტის ადმინისტრაციის ხელმძღვანელი კირილო ბუდანოვი ამბობს, რომ ვოლოდიმირ ზელენსკიმ პირდაპირი დავალება მისცა — ომი რაც შეიძლება სწრაფად დასრულდეს.

„ეს პრეზიდენტის დავალებაა — ვეცადოთ ამ ომის სულ მალე დასრულებას. სასურველია, ეს ზამთრამდე მოხდეს. მე, როგორც ადმინისტრაციის ხელმძღვანელი, ყველაფერს გავაკეთებ პრეზიდენტის მიერ დასახული მიზნის მისაღწევად. ეს მიზანი სწორი, დროული და გააზრებულია,” — განაცხადა ბუდანოვმა.

მისი თქმით, უკრაინას ამ მიზნის მისაღწევად საკმარისი შესაძლებლობები გააჩნია, თუმცა ის არ გამორიცხავს, რომ რუსეთმა შეთანხმებებს განუდგეს. ბუდანოვი ამბობს, რომ „საბრძოლო მოქმედებების შეწყვეტის რეალური ნიშნები” უკვე არსებობს.

კონტექსტი: 9 მაისს პუტინმა განაცხადა, რომ ზელენსკის შეხვედრაზე თანახმაა — მხოლოდ საბოლოო შეთანხმებების ხელმოსაწერად. 12 მაისს პუტინის პრესსამსახურმა ომის დასასრულის შესახებ განცხადება „მშვიდობის მიმდინარე ძალისხმევით” ახსნა. 29 მაისს პუტინმა კვლავ განაცხადა, რომ ომის დასრულების სიახლოვის შეფასება „საბრძოლო ველის ანალიზს” ეყრდნობა. რუსეთ-უკრაინის მოლაპარაკებები, რომლებიც აშშ-ის შუამავლობით მიმდინარეობდა, ბოლო თვეებში შეჩერებულია.