მსოფლიო თასი 2026. G ჯგუფი ახ. ზელანდია 1:3 ეგვიპტე 21.06. ვანკუვერი. “BC პლეისი”. 52 497 მაყურებელი გოლები: 1:0 სურმენი (15. პეინის პასით), 1:1 ზიკო (58. ჰანის პასით), 1:2 სალაჰი (67. ზიკოს პასით), 1:3 ტრეზეგე (82. სალაჰის პასით) ახ. ზელანდია (4-2-3-1): კროკომბი 6.4* - პეინი 6.4 (85. ბინდონი), სურმენი 7.0, ბოქსოლი 5.6, კაკაჩე 6.3 (76. რენდალი 6.4) - ბელი 6.3, სტამენიჩი 7.3 - მაკკოუატი 6.0 (66. ოლდი 6.2), სინგჰი 5.4 (76. თომასი 6.4), ჯასტი 6.8 (85. დე ვრისი) - ვუდი 6.0 მწვრთნელი: დარენ ბეიზლი ეგვიპტე (4-2-3-1): შობეირი 7.8 - ჰანი 7.7, იბრაჰიმი 6.4, ფათჰი 7.1 (41. რაბია 7.0), ფატუ 7.6 - ატია 7.5, ლაშინი 6.8 - ზიკო 8.5 (76. აბდელქარიმი 6.3), სალაჰი 9.0 (85. აბდელმაგიდი / 90+9. აბდელმონემი), აშური 6.8 (85. ზიზო) - მარმუში 7.3 (76. ტრეზეგე 7.3) მწვრთნელი: ჰოსამ ჰასანი გაფრთხილება: ლაშინი (17), სინგჰი (20), მაკკოუატი (34) მატჩის საუკეთესო მოთამაშე: მოჰამედ სალაჰი (ეგვიპტე) არბიტრი: ო. ალალი (საემიროები) * - შეფასებები Flashscore-ის მიხედვით ეგვიპტისა და ახალი ზელანდიის ნაკრებთა შეხვედრა ძალიან დაძაბული გამოდგა. ფავორიტ ეგვიპტეს თავიდან გაუჭირდა. მეტოქე თამამი იყო შეტევაში და დაწინაურდა კიდეც. გოლს მოულოდნელი ავტორი ჰყავდა - ცენტრალური მცველი, ფინ სურმენი. მეორე ტაიმში ეგვიპტის ნაკრები გაცილებით მწვავედ ამოქმედდა. ზიკოს დარტყმის შემდეგ ანგარიში გათანაბრდა. გამოცოცხლდნენ ეგვიპტელთა ლიდერები - მოჰამედ სალაჰი და ომარ მარმუში. მალე სწორედ სალაჰმა შეაგდო. ეგვიპტელებმა შესანიშნავი კომბინაცია გაათამაშეს. საბოლოო დარტყმა მთავარმა “ფარაონმა” შეასრულა და თავისი გუნდი დააწინაურა. ცოტა ხანში ტრეზეგემაც შეაგდო მას შემდეგ, რაც სალაჰის კუთხურს მოხდენილი თავური მიაყოლა. სალაჰმა გვიჩვენა, თუ როგორი უნდა იყოს ნამდვილი ლიდერი. მის ანგარიშზე გოლი და საგოლე გადაცემაა, თუმცა რატომ მხოლოდ ეს - მთელი შეხვედრის განმავლობაში უზომოდ აქტიური გახლდათ, ათას თავსატეხს უჩენდა მეტოქეს… ეგვიპტის ნაკრები ისტორიაში პირველი სამუნდიალე გამარჯვების შემდეგ უსათულოდ დაძლევს ჯგუფურ ბარიერს. ბოლოს და ბოლოს, მესამე ადგილითაც გავა, რადგან საამისოდ 4 ქულა საკმარისი იქნება. აი, ახალი ზელანდიის ნაკრების პერსპექტივებზე კი რა გითხრათ - ისინი ჯგუფური ეტაპის ბოლო ტურში ორი ფრით გამწარებულ ბელგიას ეთამაშებიან და ხელს მხოლოდ მოგება აძლევთ… ფაქტები ეგვიპტის ნაკრები აქამდე 3-ჯერ შეხვდა ახალ ზელანდიას. სამივე თამაში ამხანაგური იყო. ეგვიპტემ მოიგო 2 მატჩი, ერთი შეხვედრაც ფრედ დასრულდა. ეგვიპტემ ზელანდიასთან მატჩამდე 8 თამაში ჩაატარა მსოფლიო თასზე გამარჯვების გარეშე. ეს მეორე სარეკორდო მაჩვენებელია. პირველ ადგილზე ჰონდურასია (9 მოუგებელი მატჩი). ეგვიპტელმა “ფარაონებმა” მსოფლიო ჩემპიონატების ისტორიაში პირველი გამარჯვება მოიპოვეს. ზელანდიელთა შემადგენლობაში გოლის ავტორი, ცენტრალური მცველი ფინ სურმენი გოლებით არ გამოირჩევა. მან 150-ზე მეტი შეხვედრა ჩაატარა ახალი ზელანდიის, ავსტრალიისა და აშშ-ს კლუბებში და მხოლოდ 2-ჯერ აიღო მეტოქეთა კარი. სამაგიეროდ, ნაკრებში მის ანგარიშზე 4 გოლია. ეგვიპტე არის პირველი აფრიკული ქვეყანა, რომელმაც მსოფლიო ჩემპიონატზე იასპარეზა. ეს მოხდა 1934 წელს. მსოფლიო ჩემპიონატებზე გატანილი 3 გოლით მოჰამედ სალაჰი ეგვიპტის ნაკრების საუკეთესო ბომბარდირი გახდა. თ მ ფ წ ბ ქ 1. ეგვიპტე 2 1 1 0 4:2 4 2. ირანი 2 0 2 0 2:2 2 3. ბელგია 2 0 2 0 1:1 2 4. ახ. ზელანდია 2 0 1 1 3:5 1 ბოლო ტური 27 ივნისი ახ. ზელანდია 07:00 ბელგია ეგვიპტე 07:00 ირანი