ფრანკფურტის საერთაშორისო აეროპორტში გაჩერებულ Lufthansa-ს Boeing 787-9 Dreamliner-ს წინა სავალი ნაწილი (ცხვირის შასი) ჩაეკეცა — თვითმფრინავის ცხვირი მიწას დაენარცხა. ინციდენტი ლოს-ანჯელესის მიმართულებით დაგეგმილ რეისზე მგზავრების ჩასხდომის დაწყებამდე მოხდა.

ბორტზე მხოლოდ ეკიპაჟის წევრები და სახმელეთო სამსახურის თანამშრომლები იყვნენ. რამდენიმე ადამიანი სხვადასხვა სახის დაზიანებით სასწრაფო სამედიცინო დახმარებას იღებს.

ამერიკის ავიაციის ფედერალური ბიუროს კატასტროფების ყოფილი გამომძიებლის, ჯეფ გუზეტის განცხადებით, „უძრავ მდგომარეობაში მყოფი თვითმფრინავის წინა სავალი ნაწილის ჩაკეცვა ძალიან უჩვეულო მოვლენაა”. პოტენციურ მიზეზებად შასის ადრეული დაზიანება, მექანიკური გაუმართაობა ან ტექნიკური მომსახურების პრობლემები სახელდება.

მსგავსი ინციდენტი 2021 წელს ლონდონის „ჰითროუს” აეროპორტშიც მოხდა, სადაც ასევე Boeing 787 ფიგურირებდა — ტექნიკური შემოწმების დროს წინა შასი კორპუსის შიგნით შეძვრა.