ევროპის საბჭოს მინისტრთა კომიტეტის სხდომაზე კიშინიოვში საქართველოს საგარეო მინისტრმა მაკა ბოჭორიშვილმა ევროპელ პარტნიორებს „ორმაგი სტანდარტები” დასწამა. ბოჭორიშვილის თქმით, დასავლეთი საქართველოზე განსხვავებულ მოთხოვნებს წაუყენებს, ვიდრე სხვა ქვეყნებს.

სხდომის გარეთ კი სხვა სკანდალი ამოტივტივდა: სამი ქართული სატელევიზიო არხი — „იმედი”, „პოსტ TV” და „ობიექტივი” — მოლდოვამ ევროპის საბჭოს სხდომის გაშუქებაზე არ გაუშვა. ქართულმა ოცნებამ ეს ფაქტი „თავისუფალი მედიის ჩახშობად” შეაფასა; კობახიძემ მოლდოვის ხელისუფლება პირდაპირ დაადანაშაულა.

ევროპის პარლამენტმა ამ პერიოდში „იმედს” 1-წლიანი საპარლამენტო აკრედიტაცია შეუჩერა. გაცილებით ადრე, დიდმა ბრიტანეთმა სანქციები დაუწესა „იმედსა” და „პოსტ TV”-ს.