‘შავი ლომის’ სამწვრთნელო შტაბმა, „ტოიოტა ჩელენჯის“ პირველი, სამხრეთ აფრიკული ეტაპის დასკვნითი მატჩისთვის სათამაშო შემადგენლობა დაასახელა. მესამე რაუნდში ჩვენი გუნდის მეტოქე ტურნირის მასპინძელი, ‘ტოიოტა ჩიტასი’ იქნება, რომელმაც განვლილი ორი თამაში დიდი უპირატესობით მოიგო - პორტუგალიურ ‘ლუზიტანუშთან’ 54:24 და რუმინეთის ა ნაკრებთან 47:14. ‘შავმა ლომმა’ პირველ ტურში ‘აირლინკ პუმასი’ 46:36 დაამარცხა, მეორეში კი, ‘სუზუკი გრიქასმა’ 56:21 იმარჯვა. „ტოიოტა ჩელენჯის“ დასკვნითი შეხვედრა 14 ივნისს, ჩვენი დროით 18:30 საათზე დაიწყება და მისი პირდაპირი ტელე-რეპორტაჟი რაგბი ტვ-ზე შედგება. რადგან ტურნირი მოსამზადებელი ხასიათისაა, ისე, როგორც პირველ და მეორე თამაშს შორის, მწვრთნელებმა შემადგენლობაში როტაციას მიმართეს. ‘სუზუკი გრიქასთან’ განვლილი შეხვედრის შემდეგ, დამწყებთა შორის ადგილი შეინარჩუნეს მესამეხაზელებმა ლაშა ციხისთავმა და გიორგი სინაურიძემ, მგეზავმა მერლს პიტერსმა და ვეტერანმა სანდრო თოდუამ, რომელიც ამჟამად ცენტრში გადაინაცვლებს. ‘აირლინკ პუმასთან’ გამარჯვებული შემადგენლობიდან ხაზში სასტარტოში ბრუნდებიან ფულბეკი ლუკა ცირეკიძე, ცეტრი თორნიკე კახოიძე, ფრთები - აკაკი ტაბუცაძე და რომა მახათაძე, ასევე ჰავბეკი თენგიზ პერანიძე; ხოლო შერკინებაში პირველხაზელები - დავით აბდუშელიშვილი, ირაკლი ქვათაძე და კახაბერ დარბაიძე, მეორე ხაზის წყვილი - მიხეილ ბაბუნაშვილი და დემურ ეფრემიძე. ‘ჩიტასთან’ მატჩში მარქაფაში ექვსი მორკინალი გვეყოლება: შოთა ხელაძე, გიგა კობახიძე, ნიკოლოზ ხატიაშვილი, გუგა ღანიაშვილი, ოთარ გიორგაძე და გიორგი კერვალიშვილი, ხოლო ხაზში გიორგი სპანდერაშვილი და გიორგი ფრუიძე შევლენ. მერლს პიტერსი, ლაშა ციხისთავი და გიორგი სინაურიძე, „ტოიოტა ჩელენჯზე“ ზედიზედ მესამე თამაშს იწყებენ. შეგახსენებთ, ‘ტოიოტა ჩიტასს’ ამ ტურნირის ფარგლებში შარშან ორჯერ შევერკინეთ და პირველში 39:38 დავამარცხეთ, მეორეში კი მასპინძლებმა 24:5 გაიმარჯვეს. 2026 წლის შემოდგომაზე, სამხრეთ აფრიკაში მიმდინარე “ტოიოტა ჩელენჯის” ექვსივე მონაწილე თბილისში შეიკრიბება და ტურნირის მეორე ეტაპზე იგივე მეტოქეებთან სამ-სამ საპასუხო შეხვედრას გამართავენ. მეტოქე ‘ტოიოტა ჩიტასი’ 1895 წელს დაარსდა და “ქარი ქაფის” ჩემპიონი 7-ჯერ გახდა, 9-ჯერ მეორე, ხოლო 15-ჯერ მესამე ადგილზე გავიდა. 7 ჩემპიონობიდან ხუთი უკანასკნელ 20 წელიწადზე მოდის. ‘ტოიოტა ჩიტასმა’ თასი ბოლოს 2023 წელს შემართა. 2006-2017 წლებში ‘ჩიტასი’ სუპერ რაგბიში თამაშობდა, 2017 წლიდან კი ჩრდილოეთ ნახევარსფეროში გადაინაცვლა და გაერთიანებულ რაგბის ჩემპიონატში, იმხანად პრო 14-ში ჩაერთო, თუმცა 2020 წლის შემდეგ, კოვიდ-პანდემიამ მათ ამ ტურნირში მონაწილეობის შესაძლებლობა აღარ მისცა. 2022 წელს, ევროპის პროფესიულმა საკლუბო რაგბიმ, ‘ჩიტასი’ ‘შავ ლომთან’ ერთად “ჩელენჯ თასზე” მიიწვია და მას შემდეგ წვეული გუნდის სახით ევროტურნირების მონაწილეა. 2026 წლის “ტოიოტა ჩელენჯი”. III რაუნდი სამხრეთ აფრიკა. ბლუმფონტეინი. “ტოიოტა სთედიუმი”. 14 ივნისი შავი ლომი - ტოიოტა ჩიტასი (18:30 საქ. დრო) შავი ლომი ხაზი: 15. ლუკა ცირეკიძე, 14. აკაკი ტაბუცაძე, 13. სანდრო თოდუა, 12. თორნიკე კახოიძე, 11. რომა მახათაძე, 10. მერლს პიტერსი, 9. თენგიზ პერანიძე; შერკინება: 1. დავით აბდუშელიშვილი, 2. ირაკლი ქვათაძე, 3. კახაბერ დარბაიძე, 4. მიხეილ ბაბუნაშვილი (კაპ.), 5. დემურ ეფრემიძე, 6. ლაშა ციხისთავი, 7. გიორგი ცუცქირიძე, 8. გიორგი სინაურიძე. მარქაფა: 16. შოთა ხელაძე, 17. გიგა კობახიძე, 18. ნიკოლოზ ხატიაშვილი, 19. გუგა ღანიაშვილი, 20. ოთარ გიორგაძე, 21. გიორგი კერვალიშვილი; 22. გიორგი სპანდერაშვილი, 23. გიორგი ფრუიძე. მთავარი მწვრთნელი: მარკო ბორტოლამი მწვრთნელები: ილია მაისურაძე, მერაბ კვირიკაშვილი, ლადო კილასონია 5 ივნისი შავი ლომი - აირლინკ პუმასი 46:36 სუზუკი გრიქასი - რუმინეთი ა 35:20 ტოიოტა ჩიტასი - ლუზიტანუში 54:24 10 ივნისი სუზუკი გრიქასი - შავი ლომი 56:21 აირლინკ პუმასი - ლუზიტანუში 57:24 ტოიოტა ჩიტასი - რუმინეთი ა 47:14 14 ივნისი სუზუკი გრიქასი - ლუზიტანუში (14:00) აირლინკ პუმასი - რუმინეთი ა (16:00) ტოიოტა ჩიტასი - შავი ლომი (18:30) Rugby.geთეგები:შავი ლომიტოიოტა ჩიტასი(0) / (0)