ბელფასტის ქუჩებში ასობით ადამიანი ანტიმიგრანტულ საპროტესტო აქციაზე გამოვიდა, მას შემდეგ, რაც 30 წლის სუდანელმა მამაკაცმა ადგილობრივ მოქალაქეს დანით სახის მძიმე ჭრილობები მიაყენა. ბრალდებულს მკვლელობის მცდელობის, საჯარო ადგილზე დანის ტარებისა და მკვლელობის მუქარის ბრალი წაეყენა.

BBC-ის ცნობით, 100-მდე ნიღბიანი მოქციეობა გამართა ბელფასტის აღმოსავლეთ ნაწილში — მომიტინგეებმა სახლების კარები შეამტვრიეს, ფანჯრები ჩაამსხვრიეს. ერთ-ერთ ქუჩაში ავტობუსსა და რამდენიმე ავტომობილს ცეცხლი წაეკიდა. ზოგიერთ ლოკაციაზე პოლიციასთან პირდაპირი დაპირისპირება მოხდა, ზოგიერთ ადგილას — დემონსტრაცია მშვიდობიანი დარჩა.

ბრიტანეთის პრემიერ-მინისტრი კირ სტარმერი მოვლენებს „ამაზრზენად” მოიხსენიებს. „ჩვენს ქუჩებში ძალადობის ასეთი სცენები მიუღებელია. ჩვენი ფიქრები, პირველ რიგში, დაზარალებულთანაა,” — განაცხადა სტარმერმა.

ხელისუფლების წარმომადგენლებმა ძალადობრივი სცენები დაგმეს და მოსახლეობა სიმშვიდისკენ მოუწოდეს.