MMA-ის ქართული ორგანიზაციის RKENA-ს რიგით მე-3 ღონისძიებაზე ბექა ღვინიაშვილმა (3:0) ბრაზილიელი ლუის პაულო პიკანსო (5:3) დაამარცხა და ზედიზედ მე-3 გამარჯვება მოიპოვა.

პირველი ორი რაუნდი თანაბრად წარიმართა, მე-3 რაუნდში კი ბექამ მეტოქეს მკაფიოდ აჯობა და მსაჯების ერთსულოვანი გადაწყვეტილებით გაიმარჯვა.

ღვინიაშვილმა MMA-ს კარიერა 2025 წლის 7 დეკემბერს დაიწყო — ბულგარელ ვესელინ დიმიტროვს პირველ რაუნდში ტექნიკური ნოკაუტით სძლია.

შეგახსენებთ: ბექა ძიუდოში ევროპის ჩემპიონია (ახალგაზრდებს შორის), მსოფლიო ჩემპიონატის ბრინჯაოს პრიზიორი და არაერთი გრანდ-სლემისა თუ მასტერსის გამარჯვებული.