გიორგი ბეჟანიშვილმა ინდონეზიის საკალათბურთო ლიგის პლეი-ოფის გამხსნელ მეოთხედფინალურ მატჩში ბრწყინვალე შედეგი ანოტირა: 34 წუთში — 24 ქულა, 12 მოხსნა, 5 პასი. „სატრია მუდამ” „ჰანგტუაჰი” სტუმრებში 96:80-ით დაამარცხა.

27 წლის ქართველი ფორვარდი სასტარტო ხუთეულში გამოვიდა. შედეგიანობით მხოლოდ ამერიკელ თანაგუნდელებს — ნივენ გლოვერს (28 ქ.) და ჯეილენ ჯონსს (27 ქ., 11 მოხ.) — ჩამორჩა. პერიმეტრიდან სამივე მცდელობა ზუსტი ჰქონდა, 13 ორქულიანი სროლიდან 6 შეასრულა, 6 საჯარიმო მცდელობიდან 3 ჩასვა. ბურთი 10-ჯერ საკუთარ ფარზე, ორჯერ შეტევაში მოხსნა.

„სატრია მუდა” რეგულარულ ჩემპიონატს მეორე ადგილზე ასრულებდა; პლეი-ოფში პირველ მეოთხედფინალურ მეტოქედ მე-7 ნომრე „ჰანგტუაჰი” ხვდა. სერია ორ გამარჯვებამდე გრძელდება — მეორე მატჩი 27 მაისს „სატრია მუდას” სახლის მოედანზე გაიმართება.

ბეჟანიშვილი ინდონეზიაში აპრილის შუა რიცხვებში გადავიდა NBA-ს განვითარების ლიგის „ვინდი სიტი ბულსიდან” — „სატრია მუდას” სეზონის ბოლომდე შეუერთდა.