კაიროში (ეგვიპტე) 223 ქვეყნის მონაწილით გამართულ მსოფლიოს თასში, მოხმალავე ვაჟთა ინდივიდუალურ გათამაშებაში, ქართველმა ოლიმპიურმა ჩემპიონმა სანდრო ბაზაძემ ბრინჯაოს მედალი მოიპოვა.

ბაზაძე შეჯიბრებაში პლეი-ოფის ეტაპიდან ჩაებმა. მეოთხედფინალამდე გზაზე მან ინდოელ კარან სინგხს (15:8), იაპონელ კაიტო სრიიტსს (15:4), რუს პაველ გრაუდინს (15:7) და ამერიკელ უილიამ მორილს (15:10) სძლია.

ნახევარფინალში ბაზაძეს გზა კორეელმა ო სან უკმა გადაუღობა — სამჯერ ოლიმპიური და ხუთჯერ მსოფლიო ჩემპიონი მოფარიკავე. ბაზაძე 8:15 დამარცხდა. ო სან უკმა ფინალშიც კოლინ ჰიტკოკი (აშშ) იმავე ანგარიშით დაამარცხა და ოქრო მოიპოვა.

ტურნირში კიდევ ორი ქართველი — ალექსანდრე თავართქილაძე და გიორგი ურუშაძე — ასევე მონაწილეობდა. მათ ჯგუფური ეტაპი გაიარეს, მაგრამ პლეი-ოფის პირველ ეტაპზე გამოეთიშნენ.

24 მაისს კაიროში გუნდური ასპარეზობა გაიმართება. საქართველოს ნაკრები ბაზაძის, ურუშაძისა და თავართქილაძის შემადგენლობით ჩაებმება. ეს შეჯიბრება ასევე ევროპის ჩემპიონატისთვის მოსამზადებელ ეტაპად ჩაითვლება, რომელიც 16–21 ივნისს საფრანგეთში ჩატარდება.