ბათუმის „დინამომ” საკუთარი აკადემიის ახალგაზრდა ფეხბურთელებთან — გურამ ჯაფარიძესა და გიორგი ფუტკარაძესთან — ხელშეკრულებები 2028 წლის ბოლომდე გაახანგრძლივა. ხელმოწერის ცერემონია „აჭარაბეთ არენაზე” გაიმართა, კლუბის ხელმძღვანელობასა და ოჯახის წევრების თანდასწრებით.

ჯაფარიძემ „ლურჯ-თეთრი” ფორმა 2024 წლის ოქტომბრიდან 54-ჯერ მოირგო, სამი გოლი და სამი შედეგიანი გადაცემა შეასრულა. ფუტკარაძე 2023 წლიდან ითამაშებს — 44 მატჩში ერთი საგოლე გადაცემა ჰქონდა.

სატრანსფერო შეზღუდვა ივნისში მოიხსნება

ბათუმის „დინამოს” ფიფა-ს სატრანსფერო შეზღუდვა დავალიანებების გამო ჰქონდა. კლუბის ახალმა მენეჯმენტმა დავალიანებების უდიდესი ნაწილი გაისტუმრა. კლუბის ინფორმაციით, სატრანსფერო აკრძალვა ივნისში მოიხსნება — ეროვნული ლიგის მეორე ნახევარს „დინამო” გაძლიერებული შეხვდება.

კლუბი ამ ქმედებით კვლავ ადასტურებს, რომ საკუთარი აკადემიის ახალგაზრდების დაწინაურება და განვითარება პრიორიტეტული კურსია.