სუპერლიგის ისტორიაში ასეთი ფინალი ჯერ არ ყოფილა. ბათუმმა ბათუმის სპორტის სასახლეში, ათასობით ქომაგის წინ, ძირითად დროში 7-ქულიანი ჩამორჩენა გადალახა, ოვერტაიმი 9:0 დაამთავრა და თსუ 90:81 დაამარცხა. ზუსტად 22 წლის შემდეგ, „ბასკოს” 2004 წლის ჩემპიონობის შემდეგ, აჭარამ ოქროს ტიტული დაიბრუნა.

ბათუმი ამ სეზონში ნახევარფინალშიც ჩამორჩენიდან დაბრუნდა — ქუთაისთან სერიაში პირველი მარცხის შემდეგ ზედიზედ სამი გამარჯვება მოიგო. ფინალშიც ანალოგიური სცენარი განვითარდა: I მეოთხედი (16:20) ჩამორჩენით, II-ში (25:14) გამოდგომა, III-ში (13:23) კვლავ ჩამორჩენა, IV-ში (27:24) კვალობა, ოვერტაიმამდე.

მატჩის გარდამტეხი მომენტი ძირითადი დროის ბოლო 2:15 წუთზე დადგა. თსუ 77:70 ლიდერობდა — 7 ქულა ამ ეტაპზე ფაქტობრივად განაჩენი ჩანდა. მაირინ ტომასმა ჩააგდო ორქულიანი (72:77), შემდეგ თსუ-მ ბურთი ხელიდან გაუშვა, ბაბილოძემ ლეი-აფი შეასრულა (74:80), ბაშამმა სწრაფ შეტევაში კიდევ ორი ჩააგდო (76:80), თსუ-ს საჯარიმო სროლები ათეულობდა. 39:39-ზე 76:81 — და მაშინ ტომასმა ნახტომიდან 3-ქულიანი ჩააგდო (79:81). ბაბილოძე ჯარიმდება; ფევაძე ორჯერ ხვდება; ტომასი ყოველ სრლაში ზუსტია — 81:81, ოვერტაიმი.

ოვერტაიმი ბათუმის მონოლოგი გამოდგა. ბლოკშოტები, მოხსნები, ოჩხიკიძის პასით ტომასის 3-ქულიანი (86:81) — თსუ ვეღარ გამობრუნდა. 9:0, 90:81, ჩემპიონობა.

სტატისტიკა

ბათუმი: მაირინ ტომასი — 28 ქულა, 15 მოხსნა (MVP); გიორგი ოჩხიკიძე — 22 ქულა, 5 გადაცემა; ლევან ბაბილოძე, კარსონ ბაშამი, აკაკი დვალიშვილი — გადამწყვეტი ეპიზოდები.

თსუ: კურვოსიე მაკკოლი — 24 ქულა; გიორგი ტურძილაძე — 23 ქულა; კვენტინ ჰარდრიქტი — 16 ქულა, 9 გადაცემა.

სეზონის საუკეთესო მწვრთნელი — ბათუმის ბუბა ბერიშვილი, ჯილდო ბათუმის მერმა გადასცა. სრულ MVP-ს — მაირინ ტომასს — ჯილდო აჭარის მთავრობის თავმჯდომარემ, ზურა პატარიძემ გადასცა. საჩემპიონო თასი კაპიტან ლევან ელიაძეს კალათბურთის ფედერაციის პრეზიდენტ ვიქტორ სანიკიძემ გადასცა.