ბათუმში, საქართველოს ახალგაზრდულ ოლიმპიურ ფესტივალზე მედლების პირველი კომპლექტი გულაღმა ცურვაში გათამაშდა.

გოგონათა გათამაშებაში ფესტივალის პირველი ჩემპიონი გახდა თბილისის წარმომადგენელი ანა ივანოვა, ვერცხლი — ასევე თბილისელმა ელენე ზაქაიძემ დაიმსახურა, ბრინჯაო კი ბარბარე გვიმრაძეს (იმერეთი) ერგო.

ვაჟთა შორის ოქრო ლაზარე სიხარულიძეს (თბილისი) დაეუფლა, ვერცხლი — დემეტრე ციხისელს (იმერეთი), ბრინჯაო — იოანე ქამადაძეს (აჭარა).

გამარჯვებულები საქართველოს ეროვნული ოლიმპიური კომიტეტის პრეზიდენტმა, ოლიმპიურმა ჩემპიონმა ლერი ხაბელოვმა დააჯილდოვა.