ტრამპის ადმინისტრაციამ „მწვანე ბარათის” — მუდმივი საცხოვრებლის ნებართვის — მიღების პროცედურა შეცვალა. Reuters-ის ცნობით, ახალი წესის თანახმად, აშშ-ში მყოფ უცხო ქვეყნის მოქალაქეებს, რომლებსაც იმიგრაციული სტატუსის შეცვლა სურთ, განაცხადი ამერიკის დატოვებისა და სამშობლოში დაბრუნების შემდეგ უნდა შეიტანონ.

მოქალაქეობის და იმიგრაციის სამსახური (USCIS) ახსნის, რომ ცვლილება უპირველეს ყოვლისა დროებითი ვიზებით — სასწავლო, სამუშაო და ტურისტული — ამერიკაში ჩასულ პირებს ეხება. „ჩვენი სისტემა შექმნილია იმისთვის, რომ ვიზიტი დასრულების შემდეგ ქვეყანა დატოვონ — ვიზიტი „მწვანე ბარათის” მიღების პროცესის პირველ ნაბიჯი არ უნდა გახდეს,” — ნათქვამია უწყების განცხადებაში.

ახალი წესი „განსაკუთრებულ შემთხვევებში” გამონაკლისებს ითვალისწინებს, თუმცა მათი ჩამონათვალი ოფიციალურად არ გამჟღავნებულა. USCIS-ი ამბობს, რომ ცვლილება სააგენტოს რესურსებს გაათავისუფლებს, რათა ვიზების სხვა კატეგორიები გამარტივებულ რეჟიმში განიხილოს.