აშშ-ის სახელმწიფო დეპარტამენტმა უკრაინის მთავრობისთვის HAWK-ის საზენიტო-სარაკეტო სისტემის ტექნიკური მომსახურებისა და დამხმარე აღჭურვილობის მიყიდვა დაამტკიცა. ტრანზაქციის სავარაუდო ჯამური ღირებულება 108.1 მილიონი დოლარია.

სახელმწიფო დეპარტამენტის განცხადებაში ნათქვამია: „ეს შემოთავაზებული გაყიდვა მხარს დაუჭერს შეერთებული შტატების საგარეო პოლიტიკისა და ეროვნული უსაფრთხოების მიზნებს — პარტნიორი ქვეყნის უსაფრთხოების გაუმჯობესებით, რომელიც ევროპაში პოლიტიკური და ეკონომიკური სტაბილურობის ძალაა.”

განცხადების თანახმად, გარიგება გააძლიერებს უკრაინის შესაძლებლობას, გაუმკლავდეს „მიმდინარე და მომავალ საფრთხეებს” — უფრო ინტეგრირებული საჰაერო თავდაცვის სისტემის მეშვეობით. სახელმწიფო დეპარტამენტი ხაზს უსვამს, რომ „ამ აღჭურვილობისა და მხარდაჭერის შემოთავაზებული გაყიდვა არ შეცვლის რეგიონში ძირითად სამხედრო ბალანსს.”

პროექტის მთავარი კონტრაქტორია „სიერა ნევადა კორპორეიშენი”, რომლის შტაბ-ბინა ენგლვუდში, კოლორადოს შტატში მდებარეობს.