სომხეთის ცენტრალური საარჩევნო კომისიის 8 ივნისის წინასწარი მონაცემებით, ნიკოლ ფაშინიანის „სამოქალაქო კონტრაქტი” 49,82%-ით 64 მანდატს იღებს 105-წევრიან პარლამენტში — ეს საკმარისია ახალი მთავრობის დამოუკიდებლად ჩამოყალიბებისთვის. საკონსტიტუციო უმრავლესობამდე 6 მანდატი აკლდება.

მოსკოვის მიერ მხარდაჭერილ ძალებს პარლამენტში ერთად 41 ადგილი ექნებათ: სამველ კარაპეტიანის „ძლიერი სომხეთი” 29 მანდატს, რობერტ ქოჩარიანის „სომხეთი” — 12-ს. მესამე პრორუსული ძალა 5%-იანი ბარიერი ვერ გადალახა.

გამარჯვების შესახებ ფაშინიანმა კენჭისყრის დასრულებიდან რამდენიმე საათში შეატყობინა. ჟურნალისტებს განუცხადა: „სომხეთის მომავალი იქნება — დამოუკიდებლობის, სახელმწიფოებრიობის, დემოკრატიისა და კანონის უზენაესობის გაძლიერების სტრატეგია. ჩვენ გავაგრძელებთ ევროპული რეფორმების გზას.”

ევროკომისიის პრეზიდენტმა ურსულა ფონ დერ ლაიენმა სომხეთს მილოცა: „ჩვენ ღრმად ვაფასებთ ჩვენს პარტნიორობას დემოკრატიულ სომხეთთან, რომელიც სულ უფრო მეტად უახლოვდება ევროპას.”

სომხეთს ევროკავშირის სავიზო ლიბერალიზაციის სამოქმედო გეგმა 2025 წლის ნოემბერში გადაეცა. ფაშინიანის წინასაარჩევნო დაპირებაა, რომ სომხეთის მოქალაქეები ევროკავშირში უვიზოდ 2 წელიწადში შეძლებენ მოგზაურობას.