ირანის საგარეო საქმეთა მინისტრი აბას არაღჩი, The Iran International-ის ცნობით, ამბობს, რომ თეირანი მოლაპარაკებებისთვის ღიაა — თუ ვაშინგტონი სერიოზულობას გამოიჩენს. ამასთან, ირანს შეერთებული შტატების მიმართ ნდობა არ გააჩნია.

„მოლაპარაკებებით მხოლოდ მაშინ ვართ დაინტერესებული, თუ მეორე მხარე სერიოზულად არის განწყობილი. ამერიკელების მიმართ ნდობა არ გვაქვს. ვცდილობთ შევინარჩუნოთ ცეცხლის შეწყვეტის შეთანხმება, რათა დიპლომატიას შანსი მივცეთ” — განაცხადა მინისტრმა.

მისი თქმით, ირანი „სრულად მზადაა საბრძოლო მოქმედებებს დაუბრუნდეს” — ამასთანავე, ხაზი გაუსვა, რომ „შეერთებულ შტატებს გამარჯვების გზა არ გააჩნია.”

ჩინეთის შუამავლობის შესახებ არაღჩიმ განაცხადა: „ირანი მიესალმება ყველაფერს, რასაც ჩინეთი გააკეთებს სიტუაციის შესამსუბუქებლად.”