Apple მუშაობს ახალ დაცვის ფუნქციაზე, რომელიც iPhone-ს ქურდობის ამოცნობის მომენტში ავტომატურად დაბლოკავს — ისევე, როგორც Android-ის Theft Detection Lock.

წლების განმავლობაში კომპანიამ iPhone-ის ქურდობისგან დაცვაში არსებითი ნაბიჯები გადადგა — Find My, Activation Lock და Stolen Device Protection ფუნქციებით. მათი სუსტი მხარე ერთია: თუ ქურდი მოწყობილობას განბლოკილ მდგომარეობაში ხელში ჩაიგდებს, ეს ღონისძიებები ფაქტობრივად უსარგებლო ხდება.

ახალი სისტემა გატაცების ფაქტს რამდენიმე სიგნალის საფუძველზე ამოიცნობს, მათ შორის iPhone-ის ჩაშენებული აქსელერომეტრის გამოყენებით. გატაცების დადასტურების შემდეგ, მოწყობილობა ავტომატურად დაიბლოკება.

გარდა ამისა, სისტემა გაზომავს მანძილს iPhone-სა და დაწყვილებულ Apple Watch-ს შორის — ეს დამატებითი კრიტერიუმია იმის დასადგენად, ნამდვილად ართვეს თუ არა მოწყობილობა მფლობელს. ჩართვის შემდეგ ფუნქცია Stolen Device Protection-ის იმავე წესებსაც გაიანგარიშებს: ნაცნობ WiFi ქსელთან კავშირს და ნაცნობ ადგილმდებარეობას — სახლს ან სამსახურს.

გამოშვების კონკრეტული თარიღი ჯერ უცნობია, თუმცა 9to5Mac-ის მიერ ნანახი კოდი ადასტურებს, რომ ფუნქციაზე აქტიური სამუშაო მიმდინარეობს.