მსოფლიო ჩემპიონატის საკვალიფიკაციო ეტაპზე საბერძნეთთან 2:3 დამარცხების შემდეგ საქართველოს ქალთა ნაკრების მთავარი მწვრთნელი ირის ანტმანი ამბობს, რომ გუნდმა ამ ეტაპზე „ყველაზე შესაფერისი სიტყვა უიღბლობაა.”

„ამ შეკრების ორივე მატჩში ბევრი საგოლე მომენტი გვქონდა, მათ შორის სტუმრად, ფარერის კუნძულებზე ჩატარებულ თამაშშიც. სამწუხაროდ, ამ საკვალიფიკაციო ეტაპისთვის ყველაზე შესაფერისი სიტყვა „უიღბლობაა””, — განაცხადა ანტმანმა.

მწვრთნელი ასევე ხაზს უსვამს გუნდის ხასიათს: „ჩვენი გულშემატკივრების წინაშე, საკუთარ მოედანზე, ყველამ აჩვენა, რომ ამ გუნდს ძლიერი მენტალიტეტი აქვს. ვფიქრობ, მთელი საკვალიფიკაციო ეტაპის განმავლობაში ეს ნათლად გამოჩნდა.”

ანტმანი ახალ სახეებსაც ლაპარაკობს: „დღეს ბევრი ფეხბურთელი ვიხილეთ, რომლებმაც პირველად მიიღო ასეთი შანსი. ვფიქრობ, შეგვიძლია ვიამაყოთ, რომ კარგი თაობა მოდის. იმ იმედით უნდა დაველოდოთ მომდევნო საკვალიფიკაციო ეტაპს, რომ ამჯერად უფრო მეტად გაგვიმართლებს.”