ესპანელი რეჟისორი პედრო ალმადოვარი LA Times-თან ინტერვიუში ჰოლივუდს ინერტულობაში ადანაშაულებს: ამ წლის „ოსკარის” ცერემონიაზე ვერ გაჟღერდა საჭირო პოლიტიკური გზავნილი — არც ტრამპის ადმინისტრაციის, არც გაზაში მიმდინარე ომის მიმართ.

„ადამიანები ძალიან შეშინებულნი არიან,” — განაცხადა ალმადოვარმა. ერთ-ერთ გამონაკლისად მსახიობი ჰავიერ ბარდემი დაასახელა, რომელმაც სცენიდან „პალესტინა — თავისუფალი” შეძახა.

ალმადოვარის შეფასებით, ვითარება ამერიკაში კრიტიკულია: „ამერიკაში ახლა დემოკრატია არ არსებობს.” რეჟისორმა სინანული გამოთქვა, რომ ჰოლივუდი, რომელსაც კულტურული გავლენის მოხდენის შესაძლებლობა აქვს, ამ შემთხვევაში სიჩუმეს ამჯობინებს.