წითელი ჯვრის საერთაშორისო კომიტეტმა (ICRC) 18 მაისს განაცხადა, რომ 1992-1993 წლების აფხაზეთის შეიარაღებული კონფლიქტის შედეგად გამქრალი 11 ადამიანის ნეშტი იდენტიფიცირდა და ოჯახებს გადაეცა. ნეშტებს შორის 9 მშვიდობიანი მოქალაქე და 2 სამხედრო მოსამსახურეა.

შეხვედრა ლევან სამხარაულის სახელობის სასამართლო ექსპერტიზის ეროვნულ ბიუროში გაიმართა, სადაც ოჯახებმა ICRC-ის, ექსპერტიზის ბიუროსა და შერიგებისა და სამოქალაქო თანასწორობის სახელმწიფო მინისტრის აპარატის წარმომადგენლებს შეხვდნენ. სამოქალაქო პანაშვიდი თბილისის წმინდა სამების საკათედრო ტაძარში გაიმართა, სადაც „ქართული ოცნების” მიერ არჩეული პრეზიდენტი მიხეილ ყაველაშვილი და მინისტრი თეა ახვლედიანი ესწრებოდნენ.

ეს შედეგი 2010 წლიდან ICRC-ის მხარდაჭერით მოქმედი კოორდინაციის მექანიზმის ფარგლებში მიიღწა, რომელიც ქართველ და აფხაზ მონაწილეებს აერთიანებს. სახელმწიფო მინისტრის აპარატის ინფორმაციით, 2013 წლიდან დღემდე ამ მექანიზმებით 740 ადამიანის ნეშტი ნაპოვნია, მათგან 334 — იდენტიფიცირებულია. 1990-იანი წლების შეიარაღებული კონფლიქტებიდან 1900-მდე ადამიანი კვლავ გამქრალად ითვლება.