ადვოკატმა თამთა მიქელაძემ 9 ივნისს სოციალურ ქსელში დაადასტურა, რომ აზერბაიჯანელი ჟურნალისტი აფგან სადიგოვი დააკავეს. საქართველოდან მისი დეპორტაციის შემდეგ 65 დღე იყო გასული.

სადიგოვი 4 აპრილს გვიან ღამით თბილისში დააკავეს, მალევე კი სასამართლომ მისი დეპორტაციის გადაწყვეტილება მიიღო. ბაქო ახლა იმავე სისხლის სამართლის საქმეს ავახლებს, რომლის „შეჩერებაც” ადრე გამოაცხადა — სწორედ ეს საქმე გახლდათ ექსტრადიციის მოთხოვნის საფუძველი.

„ეს პროცესი ნათლად გვიჩვენებს, რომ ჩვენ გვაქვს წინასწარ დაგეგმილი, კოორდინირებული და ფაბრიკაციული სპეცოპერაცია, რომელშიც „ქართული ოცნების” რეჟიმიც ღიად მონაწილეობდა,” — განაცხადა ადვოკატმა მიქელაძემ.

სადიგოვი საქართველოში 2023 წლიდან ცხოვრობდა. 2024 წლის აგვისტოში ქართულმა ხელისუფლებამ დააკავა, შემდეგ კი შვიდ თვეზე მეტი გაატარა წინასაექსტრადიციო პატიმრობაში — ადამიანის უფლებათა ევროპული სასამართლოს შუალედური გადაწყვეტილების შემდეგ გირაოთი გაათავისუფლეს 2025 წლის აპრილში.