გროზნო მოლთან ახლოს მომხდარ ავტოსაგზაო შემთხვევაში, სავარაუდოდ, დაღესტნელი 9 წლის ბიჭი დაიღუპა. ოპოზიციური მოძრაობა NIYSO-ს აქტივისტთა ცნობით, ავარია სამართალდამცავმა ოფიცერმა ისლამ იბრაგიმოვმა გამოიწვია. OC MEDIA ავრცელებს ინფორმაციას, რომ იბრაგიმოვი რამზან კადიროვის ვაჟ ადამ კადიროვთან მეგობრობს.

მოკლული ბავშვი სკოლის ექსკურსიაზე იყო ჩამოსული დაღესტნიდან. NIYSO-მ გამოაქვეყნა ფოტო, სადაც ადამ კადიროვი და ისლამ იბრაგიმოვი ერთად ჩანან, თუმცა ხაზს უსვამს, რომ ეს რამდენიმე წლის წინ გადაღებული კადრი შეიძლება იყოს. ასევე გავრცელდა ამონარიდი ხმოვანი ჩატიდან, სადაც იბრაგიმოვი, სავარაუდოდ, თავს კადიროვის ვაჟებთან მეგობრად წარადგენს.

ჩეჩნური საინფორმაციო სააგენტოებმა ავარიის შესახებ ინფორმაცია არ გაავრცელეს — ეს სისტემური ჩვეულებაა: ოფიციალური პირებისა თუ სპეცსამსახურების თანამშრომლების მონაწილეობით მომხდარ ავარიებს ჩეჩნური სახელმწიფო მედია ჩვეულებრივ ჩუმად ანდობს დავიწყებას, ინციდენტის სხვა წყაროებით დადასტურების მიუხედავად.