არაბთა გაერთიანებული საამიროების თავდაცვის სამინისტრომ ბარაქაჰის ბირთვული ელექტროსადგურის მახლობლად დრონებით განხორციელებული თავდასხმა დაადასტურა.

სამინისტროს განცხადებით, ქვეყნის დასავლეთ საზღვრიდან სამი დრონი გაისროლეს, საიდანაც ორი ჩაჭრეს. მესამე დრონმა ელექტროსადგურის გარეთ განთავსებულ გენერატორს მოხვდა და ხანძარი გაჩაღა. ხანძარი ჩაქრა; დაშავებული არ ყოფილა.

„ბირთვული რეგულირების ფედერალურმა ორგანომ დაადასტურა, რომ ხანძარმა გავლენა არ მოახდინა ელექტროსადგურის უსაფრთხოებაზე ან მისი სისტემების მზადყოფნაზე — ყველა ბლოკი ნორმალურ რეჟიმში ფუნქციონირებს”, — ნათქვამია სამინისტროს განცხადებაში.

სამინისტრო ამჟამად თავდასხმის წყაროს ადგენს. ქვეყნის თავდაცვა „მაღალი მზადყოფნის” რეჟიმშია.