ძველ თბილისში, ერთ-ერთ აბანოში ორი ადამიანი გარდაცვლილი 3 ივნისს იპოვეს. გარდაცვლილები 80 წელს გადაცილებული მამაკაცები არიან. ამ ფაქტზე გამოძიება სისხლის სამართლის კოდექსის 115-ე მუხლით — თვითმკვლელობამდე მიყვანა — დაიწყო.

„აბანოთუბანი ჯგუფი” განცხადებით გამოხმაურდა: კომპანია ღრმა მწუხარებას გამოხატავს და გარდაცვლილთა ოჯახებს სამძიმარს უცხადებს.

„კომპანიის მხრიდან ობიექტზე დაცული იყო უსაფრთხოების, რეგისტრაციისა და მომსახურების ყველა მოქმედი სტანდარტი და პროცედურა. მომხდარ ფაქტთან დაკავშირებით მიღებულია კანონმდებლობით გათვალისწინებული ყველა აუცილებელი ზომა,” — ნათქვამია კომპანიის განცხადებაში.

„აბანოთუბანი ჯგუფი” სამართალდამცველ ორგანოებთან აქტიურად თანამშრომლობს. კომპანიის განმარტებით, ობიექტზე მუშაობა შეუფერხებლად გრძელდება.