საქართველოს სახელმწიფო უსაფრთხოების სამსახურმა და პოლიციამ ერთობლივი სპეცოპერაცია ჩაატარეს — „ქურდული სამყაროს” 44 წევრი ერთდროულად დააკავეს ქვეყნის სხვადასხვა კუთხეში.

ოპერაცია წინასწარ მომზადებული სადაზვერვო ინფორმაციის საფუძველზე ჩატარდა. დაკავებულებს ბრალი ორგანიზებულ დანაშაულში, გამოძალვაში, ნარკოტიკების გავრცელებასა და სხვა მძიმე დანაშაულებში ედებათ.

სამართალდამცავებმა ჩხრეკებისას იარაღი, ნარკოტიკები და ნაღდი ფული ამოიღეს. სსს-ის ცნობით, ოპერაცია ორგანიზებული დანაშაულის წინააღმდეგ გრძელვადიანი კამპანიის ნაწილია.