4 ოქტომბრის საქმეზე 8 ბრალდებულს — ალექსანდრე გოგოლაძეს, სულხან აბრალავას, გოჩა ყატაშვილს, დავით ღურწკაიას, ჯანდრი თირქიას, რამაზ ჯორბენაძეს, გენადი კელიხაშვილსა და ევა შაშიაშვილს — საპროცესო შეთანხმება გაუფორმდა და სასამართლო დარბაზიდანვე გაათავისუფლეს.

საპროცესო შეთანხმება „დანაშაულის აღიარებასა” და 3-წლიან პირობით მსჯავრს გულისხმობს. ევა შაშიაშვილი 2025 წლის 31 დეკემბერს გათავისუფლდა — პატიმრობა 5 000-ლარიანი გირაოთი ჩაანაცვლა.

გოგოლაძემ სასამართლოდან გამოსვლისთანავე განაცხადა: „ვიცოდეთ, რომ მეც მანდ ვარ. გამოვედი ციხიდან მეორე ციხეში. მაგრამ გავუძლებთ. ბიჭებო, მე თქვენ გვერდში ვარ. დიდი მადლობა, რომ ეს გადაწყვეტილება მიიღეთ — ცოტა ჯანმრთელობა არ მიწყობდა ხელს.”

15-პირიანი საქმის 7 ბრალდებული — დავით ჟღენტი, ზაქრო ალბუთაშვილი, კახაბერ მჟავანაძე, დავით სტურუა, გოგი ჩახუნაშვილი, ია დარახველიძე — შეთანხმების პირობებს არ ეთანხმება და საქმე სასამართლოში გაგრძელდება. ია დარახველიძეს 10 000-ლარიანი გირაო აქვს შეფარდებული; ის ამ ეტაპზე დუმილის უფლებას იყენებს.