საქართველოს ეროვნულმა ნაკრებმა „მიხეილ მესხის” სტადიონზე ამხანაგური მატჩი რუმინეთთან 1:1 ანგარიშით დაასრულა. მატჩი ისტორიული იყო — გურამ კაშიამ ნაკრებში 129-ე, ბოლო გამოსვლა ჩაატარა და ორივე გუნდმა ის საპატიო დერეფნით გააცილა. ნაკრების ახალ კაპიტნად ხვიჩა კვარაცხელია განისაზღვრა.
პირველი ტაიმი გათანაბრებული სურათით დასრულდა. სტუმრებს მამარდაშვილის გაურკვეველი გადაცემის შემდეგ მომენტი ჰქონდათ — კომანის დარტყმა კაშიამ დაბლოკა. ქართველების ყველაზე გამოვლენილი ფეხბურთელი ჩაკვეტაძე იყო, მაგრამ პირველი ტაიმის ბოლოს ტრავმა მიიღო.
მეორე ტაიმის დასაწყისში ჩაკვეტაძის ეგოიანით ჩანაცვლებამ შედეგი გამოიღო — 46-ე წუთზე ქვილითაიამ ნაკრები დააწინაურა. 55-ე წუთზე ლოჩოშვილმა საჰაერო დუელი წააგო — მუნტიანუმ ანგარიში გაათანაბრა. 63-ე წუთზე კაშია საპატიო დერეფნით გამოიყვანეს. შებინდებამდე ეგოიანს გოლის შანსი ჰქონდა, მაგრამ ოდნავ ააცილა.
განგარიში: საქართველო — რუმინეთი 1:1 გოლები: 1:0 ქვილითაია (46’), 1:1 მუნტიანუ (55’) საქართველო: მამარდაშვილი, ლოჩოშვილი (დვალი 65’), გოგლიჩიძე (გელაშვილი 83’), კაშია (ბერიაშვილი 63’), აზაროვი, კიტეიშვილი, მამაგეიშვილი, ქოჩორაშვილი, ჩაკვეტაძე (ეგოიანი 46’), ქვილითაია (მექვაბიშვილი 83’), ზივზივაძე (კვერნაძე 65’)
საქართველოს ნაკრები 5 ივნისს შემდეგ მატჩს სახლში ბაჰრეინთან გამართავს.