17 მაისს, დილის 11:00 საათზე, ოჯახის სიწმინდის დაცვის დღეს, ქაშუეთის წმინდა გიორგის სახელობის ტაძრიდან ყოვლადწმინდა სამების საკათედრო ტაძრამდე ტრადიციული ლოცვითი მსვლელობა გაიმართება. ამის შესახებ საპატრიარქომ გამოაცხადა.

სამებაში ახლად ინტრონიზებული კათოლიკოს-პატრიარქი შიო III პირველ სადღესასწაულო წირვას აღავლენს. წირვას საგანგებოდ ჩამოსული სხვადასხვა ადგილობრივი ეკლესიის დელეგაციები, საქართველოს სამღვდელო და სამონაზვნო დასი, ასევე სამრევლოები და საკვირაო სკოლები დაესწრებიან.

17 მაისი ოჯახის სიწმინდის დაცვის დღედ 2014 წლიდან, საპატრიარქოს ინიციატივით, ითვლება. მომდევნო წელს — 2013 წლის 17 მაისს — ჰომოფობიურად განწყობილმა ბრბომ ლგბტ აქტივისტებს ფიზიკურად გაუსწორდა. 2024 წელს „ქართულმა ოცნებამ” ეს თარიღი ოფიციალური უქმე დღე გახადა.